Trust the process...

Trust the process, they say.

Ek en ‘n vriend het altyd gewonder of die process wéét hy word vertrou! I mean, come on... Só baie rus op die process. Soveel geduld wat mens moet hê sodat die process sy gang moet gaan. Soveel geloof dat wanneer die process uiteindelik sy ding gedoen het, dat die uitkoms positief sal wees. Soveel afwagting...

Maar ek glo dat die process deeglik bewus is dat ons op hom staatmaak. Én dat hy sy gang sal gaan...of ons hom nou vertrou of nie.

Kyk, dis maklik om oulike sêgoed vir mekaar te sê. Trust the process. Maar gló jy dit regtig? Vertrou jy dit werklik? Want om die process te vertrou, beteken dít:

1.      Terwyl jy nóú ‘n storm beleef, vertrou jy dat alles ten goede sal meewerk – of die uitkoms ís soos jy dit wou hê of nie.

2.      Dat jy vrede sal hê oor hoe dinge vir jou uitgedraai het en die les daarin sal raaksien.

3.      Dat jy geduld sal moet hê, omdat die process nogal ‘n proses is. Dit kan weke, maande, selfs jare neem voordat jy die uitkoms sien.

4.      Die process gaan nie noodwendig oor jóú nie, maar die groter prentjie vir ‘n wêreld groter as wat jou oog kan sien.

5.      Trusting the process means trusting God. So diep en onwrikbaar dat selfs wanneer dit vir niemand anders sin maak nie, jy nooit sal twyfel in dít wat die Here doen nie...

Soos Josef. Deur sy broers verag, verraai en verkoop. ‘n Slaaf. Valslik beskuldig en in die tronk gestop. Deur God gebruik. Om op die ou einde sy familie – en Egipte – teen hongersnood te kon red. He trusted the process. He trusted God. Selfs toe dit lyk asof hy tot hel verdoem is. Can you?

Baie liefde,

Alvené